TE KURA O
NGĀTI WHĀTUA KI TĀMAKI
Ka tūwhera hei te matariki 2026
Mai te Pito ki te Mata
Mai te Pito ki te Mata
Poho kawau ana! ko Te Kura o Ngāti Whātua ki Tāmaki, kua tū. E tūwhera ana hei te wāhanga o Matariki 2026.
Ka tū tuatahi me ngā tau 9 me ngā tau 10.
Mā ngā ākonga me ngā whānau e hāpai te whakaū i te ahurea, i te ara hoki o te kura.
Mā te kuhu wawe ki te kura, ka whakairohia tō whakapapa hei poupou ki ngā hitōria, hei ōhāki mō ngā uri whakaheke, hei whakahītanga mō te iwi.
Ka whanake te kura, ka tuku i ngā taipitopito ka tika.
He kura Māori Te Kura o Ngāti Whātua ki Tāmaki. Ko tōna tūāpapa, ko ngā kōrero tuku iho, hitōria, whakapapa, uara hoki o Ngāti Whātua.
He tūnga tapu mō ngā rangatahi, ka tautokohia rātou e te kura kia tū kaha ki o rātou tuakiri, ki te ahurea Māori, ki Ngāti Whātua anō hoki. Ka tipu ngā uri kia whai māia, kia whai rawa, kia whai ora.
Meka Hohora
Whakatūwheratanga
Matariki 2026
Ngā tau ako
(Hei timatanga) Tau 9 - 10
Reo Matua o te kura
Te Reo Māori, Te Reo Whātua
Wāhi
Te Tōangaroa, 8 Tangihua Street
Ko te whānau te kaiurungi o te ako, e whakaū i ngā whānau ki ēnei tau nui e āta whakatau ai te ara ora mō ngā ākonga.
Kaupapa Māori, reo Māori, ngā kawatau, me te kairangitanga o te ahurea.
He aha te motuhaketanga o tēnei kura?
Nō te iwi, nō te whenua, ki roto tonu i te whenua o Ngāti Whātua.
Kua toka te noho o ngā whakapapa, hitōria me ngā kōrero tuku iho o Ngāti Whātua
Ka whanake i te ao matihiko kia māia, kia kaha te rangatahi ki te whakamahi.
He patanga nui tō ngā akoranga ki te ao e noho nei tātou. He akomanga ngā wāhi katoa, ka puta ki te kuhu ki aua kaupapa ka tika.
He pātata ki ngā pakihi, ki te Toangaroa, me whai wāhi atu te rangatahi ki tēnei ao anō hoki.
Mō te rangatahi o naiānei, e whanake ai o rātou kura, mō te āpōpō e hinātore ana.
He kura hourua i whakatūria e Ngāti Whātua Ōrākei. He kura Māori, he kura nō te iwi, e eke ai ngā ōhaki o Whātuarangi, e ea ai ngā wawata o Whātuanuku. E ora ai ngā rangatahi i roto tonu i ngā kōrero tuku iho, hitōria me ngā whakapapa o Ngāti Whātua, ā, puta noa ki te ao.
© 2026 Te Kura o Ngāti Whātua ki Tāmaki. All Rights Reserved.